Post Top Ad

Monday, February 17, 2014

TOP 10 GOAL SCORERS OF ALL TIME





Welcome to the top 10 football goal scorers of all time. We will list all the players. But, some names go surprise you  oo. Let’s go!!

1 PELE (1008 GOALS)

This one na the most difficult one because some of Pele’s goal no be official goals.
Official goal na the goal wey Pele score in the presence of the representatives of FIFA, CONCACAF, etc. or any other body wey get the jurisdiction to monitor football match wey dey for Pele geographical or football area. Him official goals na 767 goals. So some football pundit refused to recognize the unofficial goals wey him score. But we decided to include the unofficial goals because some videos show the goals wey him score for those matches wey them no record.

 Pele help Santos to win 11 league titles. 8 of them na back-to-back. Him also help Brazil win 3 world cups.  

JOSEF BICAN: 805 GOALS

Surprise catch us when we see say na this guy dey follow Pele for the highest goal scorers of all time.
This Austrian footballer wey ply him trade for Slavian Prague football club scored 395 goals in 217 appearances for them. Him score 7 goals for one game. At the age of 42, e score 22 goals in 29 league matches before him retire.

ROMARIO: 772 GOALS

Romario na familiar face for US 94 world cup wey him help Brazil win. Him also don win Copa  America in 1989 and 1997. In contrast to Pele wey score most of him goals for Brazil, Romario scored over 50% of his goals for; PSV, Bacelona and Valencia.

FERENCE PUSKAS: 746 GOALS

Una remember the Puskas award for FIFA ba? Well, Puskas na part of the Hungarian golden generation of players wey sabi. He won 5 La-Liga titles with Real Madrid and 3 Champions Cups. Everybody dey fear am whenever him dey for pitch because him na 
the man wey sabi.

GERD MULLER: 735 GOALS

Gerd Muller na the best player ever for Germany and Bayern Munich. He won the 1974 world cup and the 1972 Euro for west Germany. As a striker, his physical appearance dey like Messi but with less speed. But mouth no fit talk weiting this little hobbit dey carry football do. We know say Timaya na the eberi papa one of Bayelsa. But him na the eberi papa one of football.

FERENCE  DEAC: 576 GOALS

This guy no dey popular because him play during world war and for Hungarian clubs with wicked unpronounceable names wey we no want bore you with. but the guy sabi score sha. 576 goals no be beans.

UWE SEELER: 575 GOALS

This na another German attacker wey register him name for score board many times. Him na Hamburg legend wey score 404 goals in 476 appearances. This guy like acrobatic kick no be small.

ERNST WILLIMOWSKI: 554 GOALS

The footballer way him name sound like Robert Lewandowski grand papa played for two national teams: Poland and Germany. Him na the first player wey score 4 goals in a world cup match.

EUSEBIO: 552 GOALS

Una remember that man wey die around three months ago wey make Mourinho and ronaldo dey cry? Him name na Eusebio. He is an African immigrant who took Portugal to the third place in 1966 world cup. He was also the highest goal scorer in that tornament. Him also helped benfica win the league 11 times and the UEFA Champions cup. The Black panther is known as the best player in Portugal. Not Cristiano Ronaldo.

JAMES MACGORY: 550 GOALS

This Scottish striker na a living legend of Glasgow Celtic because him score 395 goals in 278 appearances in his 15 year career for them. This guy na the shot man wey sabi jump pass tall men for pitch.

This na the all time highest goal scorers for our obodo. 


No comments:

Post a Comment