Every Arsenal fan wey dey for this world dance and dance and
dance soo tay black belle rival fans come dey talk say “see as them dey dance like
say them don win the FA CUP”. But we support them. Make them dance because e
good to celebrate on your road to success,
but make them no over celebrate am
as them still get top4 to fight for and the FA-CUP final to play. Hull City dey
bellow Arsenal on paper, but them no be pushovers.
ARSENAL VS HULL CITY
Arsenal go play Hull City for wembley and everybody dey feel
say na sure win. But we want make them hold their breath because no league Cup final
be pushover. Hull City go play better than Wigan and Arsenal need to raise
their game above the Wigan own if them want win their first trophy in nine
years.
EVERTON WINNING THE
TOP4 RACE SO FAR
Everton beat Sunderland. Thanks to West Brown own goal. The
win put them above Arsenal in the EPL table. Arsenal go dey hope make them win their
remaining games including the one wey them go play for midweek. Them go also
dey pray make Manchester City win Everton. But this Everton side fit win
anybody for their home oo. Everybody know weiting them do Arsenal.

No comments:
Post a Comment