Post Top Ad

Monday, June 30, 2014

LETS TALK ABOUT YOUR CLUBS AND WHO THEM WAN BUY



The most tricky transfer window na the one wey dey open during the world cup. This na because Clubs dey gain and loose interest in players because of injuries for world cup, player performance, another (cheaper) player wey perform wella. Make we look at the transfer activities for your club


CHELSEA
Chelsea don complete Fabregas deal. Them dey close to Diego Costa, Filepe Liuz, Toni Kroos and maybe Lavezi deals. Players like Mikel, Moses, Lukaku, and Ba fit leave. Fan favorite Frank Lampard and Ashley Cole don leave for free. While David Luiz don waka go PSG for almost 50 million pounds. Chelsea transfer strategy bam this time around as them want do their business early and blend experience and youth.  Mourinho believe say over dependence on a 23yr old Hazard cost them the league last season. So them want mix am up with men wey get the required experience and skill set to fit into Mourinho system. So expect a lot from Chelsea next season.   

ARSENAL
Arsenal no dey very active in the transfer market. But them don sell Sagna and maybe them go sell Per Merteseker. Other players like Benzima, Sanchez and maybe Khadira fit show face for Arsenal. Many Arsenal fans no happy when Wenger pass on the opportunity to use the buy-back clause wey exist for Fabregas contract. But we know say Ozil and Ramsey don cover the hole wey Fabregas leave. So as usual, we go expect fringe players like Aria and co to filling the position wey Sagna leave behind.

MANCHESTER UNITED
Manchester United don free Rio Fedinand, Vidic, Gigs, Macheda, and them also dey look for who go buy Fellaini, Nani, Carick, Cleverly and Jones. Them also want buy Robben, Kroos, Khadira, Di Maria and Cavani. Them don buy Herera and Luke Shaw. We expect Manchester United to push Liverpool from top 4 next season. But we no think say them fit win am because e go take time for Van Gaal to implement him system ontop of the new players wey them want buy.  The flip side na the lack of transfer activities for their defense, them need to arrange their defense after the goals wey them leak last season.

MANCHESTER CITY
We no expect a lot of transfer activities as their problem na how to use and blend the many talent wey them get. We no dey too surprise when them buy Fernando from Porto for $18m because Yaya Toure fit port go another club after him birth day cake wahala . The latest problem between Toure and City when Toure say City no allow am see him brother before him die. All these fit make am waka from City.

BARCELONA
The coach no want Fabregas and (maybe) Xavi. Fabregas don waka go Chelsea while Xavi dey on his way to UAE. Sanches and Song fit waka also. Barcelona don sign Rakitic and them want Suarez but the latest biting incident fit make them withdraw their interest. Them no want make him bite kill person for their hand.

REAL MADRID
Real Madrid arrange wella . But players like Di Maria and Khadira fit leave if them get Suarez and Ramires. But transfer activities no go dey there today.
All these na the things wey dey happen for transfer window. Abeg no vex if your club no dey. We go right about your club if you tell us for comment section.


No comments:

Post a Comment