We dey sit down one day to observe the premiership, La-liga,
Bundesliga, Seria A and so many ogbonge leagues all over the world and we ask
ourselves “Why our own no dey like these other leagues?”
SOMETHING DEY WRONG
WITH THE OFFICIATING
We feel say the
officiating dey terrible, plenty clubs no dey even loose at home and them no
dey win away. But on a second thought, we find out say na lie. Aba Warriors wey
just gain promotion defeated Enymba for Enyimba home. And Chelsea never loose
for Stamford Bridge. The same way Bayern never loose for Alianz Arena. So weiting
be the problem? Abi na the pitch?
THE PITCH NA WA OO
We feel say the pitch no too arrange like the ones wey dey
for Premiership and other leagues, until we find out say that one self na myth. Many second division Clubs na artificial
turf “talkless” of the first division clubs wey dey play for State Stadiums with fine natural grass.
Crystal Palace stadium self no too arrange, water dey log for so many stadiums for Europe and South America. So na waiting come be the problem since
no be Stadium and officiating?
THE PROBLEM NA YOU
Yes, the problem na you wey dey change channel anytime and every time wey
Supper Sports wan show our match. The problem na you wey no dey go watch our
match even though na free of charge. We hold this viewpoint because ojoro and bad
officiating dey other leagues for Europe. E bad soo tay one man vex enter field
with machete when match dey go on for Brazil. He machete the referee soo tay e
die. But them still dey watch am because na their own league.
THE WAY FORWARD
The way forward na to dey follow our league for TV,
Newspaper and social media till you find a Club wey you go dey support. No body
say you no fit Support Kano Pillars and Manchester United. Or Enyimba and
Arsenal. You fit support many clubs at once as far as say them no dey for the
same league. Make una go support our leagues. that na the only way wey e go take grow.

No comments:
Post a Comment