Post Top Ad

Wednesday, April 02, 2014

PSG VS CHELSEA PREVIEW: THE EL-CASHICO



PSG will host Chelsea today and plenty plenty things don dey shelle for media already. Many peeps dey call this game the El-Cashico because pepper rest wella wella for both PSG and Chelsea hand. Though Chelsea dey a little conservative in the transfer market lately, PSG dey splash the cash with reckless abandon. Them splash 62 million pounds on top Cavani head, 42 million pounds for Lucas Moura leg and them spend 43 million pounds for on top Pastore. Chelsea no buy both Cavani and Pastore because too much money been dey involved.

BEST ATTACK VS BEST DEFENSE

Today na today, we go see when unstoppable force meet with immovable object. PSG attackers Ibrahimovic (lone striker), Cavani and Lavezzi go collide with the ogadagidi defense of Chelsea, made up of 
Terry, Cahill, Asplicueta and Ivanovic. We go see how Chelsea go take deal with these ogbonge attackers.

SEMI STRONG MIDFIELD VS SEMI STRONG MIDFIELD

Rabot, Cabaye and Pastore na them stand gidigba for PSG midfield. Mikel, Lampard, Luis, Ramires, Osca 
go tanda  kamkpe for Chelsea own. We go see who go win the battle of the midfield.

CHELSEA STRIKEFORCE VS PSG DEFENSE

Torres, Hazard and Willian go square up against Thiago Silva, Marquinhos, Digne and Jallet. We know say Silva go put Torres for pocket. But e go hard make Digne and Jallet deal with the attacking threat of Willian and Hazard. This go be the key wey Chelsea go need to unlock PSG defense. 

Ibrahimovic scored 10 of the 18 goals wey PSG score for Champions League this season. Torres scored 
only 4 in 6 appearances. Mourinho go dey plan to keep Ibracadabra silent.

We say congratulations to Chelsea Asplicueta wey him wife born bouncing baby girl yesterday.

This na the Preview oo! The match na 7:45pm ooo (Naija time). Enjoy!!

No comments:

Post a Comment