Post Top Ad

Monday, June 16, 2014

LETS TALK ABOUT IRAN VS NIGERIA! THE LIONS VS THE EAGLES!!



Nigerians go hope say the Supper Eagles go dey Supper when they meet Iran on Monday night (8:00 today).  All no too arrange for Naija especially when we consider the recent salary and bonus gbege between the Supper Eagles and the NFF. We advise all the parties involved to sort everything out before the game.

DANGER MEN
Hassan Abdel-Fattah na their highest goal scorer when them qualify for world cup. Naija players need to shine their eye where that guy dey. The best way to mark Hassan na to cut off him supply.
Naija danger men na Emenike and Odemwinge. These two ogbonge players go get a goal or two for Naija. Iran go try shine their eyes around these players but them no go see anything.

KESHI VS  QUEIROZ
Queiroz get big reputation after him assist Sir Alex Ferguson for Manchester United. Him go square up against the African Champion, Stephen Okechukwu Keshi wey carry Togo and now, Naija go world cup. 
Both coaches go try to stamp their authority on the pitch with their tactics and game plan.

INJURIES
Iran no dey worry about any injury. But Naija no fit say the same thing with Monaco left back, Elderson Echiejile out of the world cup due to hamstring wahala .  Oga Keshi get enough players to cover that position.

PREDICTION: This game no go dey as open as everybody dey think. We feel say the match go end with one goal difference. With Naija having the upper hand. 

No comments:

Post a Comment