Post Top Ad

Friday, June 13, 2014

WORLD CUP THINGS: GROUP B






GROUP B
AUSTRALIA
CHILE
NETHERLANDS
SPAIN
AUSTRALIA

No be say we want disrespect Australia, but their squad na the worse team of the tournament on paper. Them no get any known faces or names. 


STRENGTH:  We no fit see any visible strength other than the fact say bigger teams fit loose against them because them dey complacent.

WEAKNESS: No big name player to provide inspiration in ogbonge matches

CHILE             
This na one of the most difficult team. Because everybody expect Spain and Netherlands to take the first and second positions. But Chile fit arrange any country wey no respect him age.

STRENGTH
Them be the underdogs wey get enough strength to arrange any top dog. Vidal and Sanchez fit do some serious damage to any defense

WEAKNESS: them no fit match Spain and the Netherlands in terms of talented players.

SPAIN
The defending champions na the Ogadagidi of the tournament. Na them be the World Cup defending champions, The Euro champions, The Champions League Champions and the Europa Champions. If no be say Naija too much, na them for be the Nations Cup champions. Them too much. We tip them and Brazil to reach the finals. But as we all know, anything can happen.

STRENGTH: Too many ogbonge players from defense to attack, the first 11 players don tey wella. So their understanding na die.

WEAKNESS: Spain and Brazil na one of the few countries wey no get obvious weakness. So for the sake of weakness, we go just say overconfidence fit trigger complacency wey fit make them come second. And them fit lack enough motivation to win because them don win too many trophies in recent times.

NETHERLANDS
The Orange boys na the only country wey no dey do as expected. Them dey loose when you expect them to win, and win when you expect them to loose. This na why e take style hard to place them as elite or average team. But nothing do them, because them bam no be small.

STRENGTH: An inform Van Persie and Rubben fit tear any defense apart. Their increased motivation after them loose the finals in South Africa.

WEAKNESS: injuries to big game players like Vandavaart, Snaijda and Strotman. Them also get serious gbege for their defense.

PREDICTION
Spain: 7pts
Netherlands:  5pts
Chile: 4pts
Australia: 0pts

No comments:

Post a Comment