BRAZIL
CROATIA
MEXICO
CAMEROUN
BRAZIL
We go beam 080football torchlight on Brazil because even the
pikin wey still dey their mother belle know say Brazil go come out the oga at
the top of this group. This na because them dey play this world cup for their backyard and
them get plenty ogbonge players pass every other country wey dey the group.
Everybody expect Brazil to come first. Second na huge disappointment.
The players to watch na: Neymar,
David Luiz, Oscar… and all eleven players wey dey their first team.
STRENGTH: Brazil strength na the understanding wey dem don
build before, the fact say no major player dey injured, every player na VIP
player for him club, and them get coach wey win the world cup and
confederations cup when everybody write them off.
WEAKNESS: Them dey a bit short and thin for their striking
department. Fred no go make any defender fear. But Hulk and Neymar go dey
enough
CROATIA
This na another team wy dey beside Brazil as them carry the
best striker and probably, the best midfielder for the group. Manzuikic and
Modric better pass every striker and midfielder wey dey the group. Including
the ones wey dey Brazil. Them go come second. Third na huge disappointment.
First na overachievement.
PLAYERS TO WATCH: Modric, Mandzuikic and the new Barcelona
man, Rakitic
STRENGTH: Modric and
Mandzuikic be the best players for their position as far as group A is
concerned. Them fit cause serious gbege for any opposition.
WEAKNESS:
Na only Modric, Manzuikic and Rakitic waka come for Croatia
National team. The rest just dey average and lack some sort of experience in
big tournaments like World Cup and Champions League
CAMEROUN
Cameroon na another country wey dey struggle at the moment.
Especially as them do Aluta say them no go enter plane if them no give them
some of the money wey them owe them.
PLAYERS TO WATCH: Samuel Eto’o, Song and em em..make we just
leave am for this two
STRENGTH: Eto’o na ogadagidi for plenty tournaments
including the champions league. This na him fourth World Cup. Another plus na
song wey don win La-liga with Barcelona
WEAKNESS: Their weakness plenty no be small. We no even know
where to start. Eto’o no be the prolific striker wey him be before. Song na
fringe player for Barcelona. The worse thing be say, na only Eto’o and Song
waka come.
EXPECTATION: Third position, second will be a massive result
and forth a big disappointment.
MEXICO
Mexico na a country
with homogeneous players. Nobody stand
out wella. From Chicharito, Carlos Vella, to Dos Santos. All players ability
dey a little below average. But e don tay wey them dey play together.
STRENGTH
They are a team with good team play. And no obvious
weakness.
WEAKNESS
They lack big game players.
PREDICTION
Brazil: 9pts
Croatia: 6pts
Cameroon 1pts
Mexico: 1pts

No comments:
Post a Comment