Na 32 countries waka come World Cup, but na only Germany and
Argentina reach final. We want see the little things wey fit affect who go win
the world cup on sunday. Enjoy.
MESSI FACTOR
Messi na the engine room of Argentina attack. Stifling him
go make Argentina impotent even with much possession. This na why Argentina no
do much against the Netherlands. Martins Indi and Nigel Di Jong hold Messi wella. Khedira and Scheinsteiger go
try do the same thing if them want win the world cup.
THE TRIUMVIRATE OF
KHEDIRA-SCHWEINSTEIGER-KROOS
These midfield trio dey in charge of switching Germany defensive
play to attacking mode. Them dey also make sure say the midfielders of their
opponents no go fit impose and express themselves on the field of play. So the
outcome of this final go also depend on weda these guys go discharge their duties wella
THE STATE OF
MASCHERANO’S HEALTH
Some pepz dey report say Javier Mascherano fit miss the
final due to head injury. But while we no believe the news, we believe say him
fit no dey very fit. Mascherano dey very vital for the final because na him
make the necessary interceptions wey prevent Robben from scoring. Argentina
need am to hold Muller and other German attacking machines.
EARLY GOAL AND
GOOD RECOVERY TIME
Apart from their goal against Ghana, Germany win every
game wey them first score because them sabi take advantage of the space wey dey
always come as a result of their goal. Argentina recovery time matters a lot too.
And from their game against Bosnia, we find out say them sabi recover wella. So
early goal and recovery time matters a lot.
DI MARIA INJURY
Messi miss him sidekick on Wednesday. Him go dey hope say
him no go face the deadly German defense with Perez. This na the reason why him
go dey hope say Di Maria go recover on time. The match go hard Argentina if Di
Maria no dey fit.
GERMANS CLINICAL
CONSISTANCY
Schurrle scored the two shots wey him take against Brazil.
Muller stats also dey very close. Germany go rely heavily on how clinical them
dey against Argentina defense wey dey improve as the tournament dey go on.
This match tight well well and we no want make any prediction until we know the state of health of Di Maria and Mascherano.

No comments:
Post a Comment