David Moyes coached Manchester United out of top4 last
season. And Van Gaal say him go give them more than top 4. Him say them go win
the EPL. This na why them don arrange the money wey them go take buy Di Maria
and Vidal. E show say Manchester United mean business this coming season
Liverpool carry second last season, but the guy wey give Liverpool
second don waka go Barcelona for 75 million pounds. So we no expect them to go for the title, but
we expect them to make top 4. Especially if them get Cavani and maybe one or
two defenders.
Arsenal don buy Sanchez and Debunchy wey dey bench Sagna for
France National team go make them not to miss Sagna. Them just need a defensive
midfielder and maybe a central defender to shoot for the title. So Arsenal no
go come EPL to make top 4. Them dey come to win am next season.
Even though say Manchester City never buy plenty players or
any big named player this transfer window, their squad dey more than good
enough to challenge for the title. This na why them go always dey sniff around the title. But Mangala go automatically
make them title favorite because Mangala and Kompany go intimidate any attacker
for EPL.
David Luiz, Frank Lampard, Ashley Cole and DanBa Ba don waka
comot for Chelsea. New ogbonge players like Filepe Luis, Diego Costa, Fabregas
don show Stamford bridge. Courtois and Lukaku fit come back from lone. Any club
wey get Hazard, Fabregas, Osca, Costa and Lukaku go score plenty goals. And any
Club wey get Matic, Asplicueta, Filepe Luis, Terry, Cahil and Cech/Courtois go
prevent goals. This combo go make Chelsea one of the most balanced squad in
Europe.
Na five team waka come, na only one go win the title. And na
four of them go make the famous top 4. So our jamb question be this: Na who go make
the top four and na who go win the title?

No comments:
Post a Comment