Post Top Ad

Wednesday, July 30, 2014

WHAT TO EXPECT FROM MANCHESTER CITY THIS SEASON




Though e still remain some weeks before the premiership start, but Manchester City don dey send strong message to any Club wey wan dethrone them.
Manuel Pellegrini side dey busy dey deliver the kind of result wey you go expect from a typical EPL champion if you judge them from their pre-season tour of America and the rest of the place wey them don go. The good news be say, them deliver without their ogbonge players. Now make we talk weitin to expect from them this season.

LOTS OF GOALS
Aguerro, Negredo, Edin Dzeko and Jovetic get enough fire power to score plenty plenty goals for Manchester City. This na why we dey expect lots of goals from them this season. Nasri, Silva and Yaya Toure go make sure say them deliver both assists and goals as City prepare to defend their title.

MIDFIELDERS
Fernadinho go man the defensive midfield, Toure go dey rotate. Silva and Nasri go just dey run and create chances left, right and center. This na why we feel say them go score plenty goal. But the defense dey always start from midfield. And them go get problem for this area if Fernadinho play as him play for Brazil for world cup. Them need to watch out for this weak link. 

BETTER DEFENSE?
Man City defense na their weakest link as Kompany no get good partner to man the defense with am. This na why them wan buy Mangala from FC Porto, if them succeed get Mangala, them go be the best team to win the EPL this season again. But if them no get ogbonge defender, them go suffer wella because Kompany no sabi pair with defender wey no sabi. E show for him world cup games against big oppositions.

GOALKEEPER
Joe Heart na ogbonge goal keeper wey sabi do off and on at the same time. Him no dey consistent at all. This na why him dey concede cheap goals wey fit cost Manchester City their title defense.

EXPECTATION
We expect Manchester City to fight for the title this season. We also expect their worse result to be second. We no expect them to do too well for Champions league this season. 


No comments:

Post a Comment