Post Top Ad

Tuesday, July 29, 2014

WHAT TO EXPECT FROM VAN GAAL AND MANCHESTER UNITED THIS SEASON




Under the Chosen One, Manchester United break all kinds of records. Nobody know the miracle wey Moyes take convert Manchester United from a title winning team to a club wey dey hustle to make top six. All of us know how e take end. United board sack Moyes, hire Giggs for a makeshift role before them hire Van Gaal on a permanent bases. This na weiting we fit expect from Van Gaal this season.


RETURN OF THE 3-5-2 FORMATION
Van Gaal no be fan of 4-3-3 formation. Him go deploy a hybrid of 4-4-2. But we expect plenty 3-5-2 formation with Rooney and Van Persie as the front men. Herera, Mata and other players in the middle and wings. We also expect Tom Cleverly to feature under Van Gaal until them buy Strotman. Everybody know say Van Gaal go buy Strotman when Strotman well. But until then, we expect Cleverly to step up and be counted.

TOTAL FOOTBALL AND POSITION EXCHANGE
One of the good things about total football na the ability of players to change position even when the match dey go on. This tactice go give opposition managers serious headache because e go dey difficult to predict the formation wey Van Gaal go use. E go also dey difficult to know which player go play which position through out the game.  The only downside wey this formation get na lack of mastery. No player master him position well well because him dey always change position. Van Gaal use upto 5 different formation against Chile for world cup.

TOTAL FITNESS
Every body know say Van Gaal boys dey always dey fit. This na why him order Luke Shaw to train alone until him reach the fitness level of others.So make una expect to see Manchester United players with enough stamina to play very physical football. The likes of Mata and Kagawa wey like fine boy football need to take note.

EXPECTATION
We expect Manchester United to do weiting Liverpool do last season. This na because them no go play Champions League football. So we expect them to make top4 and fight for the title even though we no expect them to win am due to the fact say Arsenal, City and Chelsea don dey better than they were last season. We also expect United to knock Liverpool out of the top 4.


No comments:

Post a Comment