Post Top Ad

Monday, July 28, 2014

LETS TALK ABOUT ARSENAL AND WHAT TO EXPECT FROM THEM THIS SEASON




Sanchez, Ozil, Carzola, Theo Walcott, Giroud and Podolski dey enough to scare any opposition defense. This na why we dey start our “LETS TALK ABOUT A CLUB” with Arsenal. Sit down. Cross your legs and enjoy as we talk about weitin we dey expect from Arsenal this season.


THE RETURN OF THE FALSE NINE
If Arsenal no sign another striker this season, them go resort to the false nine movement anytime wey them want change their conventional tactics. As we all know, Sanchez and  Walcott bam in front of goal pass Girud. This na why we go see more of the false nine with Walcott and Sanchez leading the line. This approach go provide plenty tactical flexibility to Arsenal game plan. Make una no forget say Spain, Barcelona and Bayern use false nine take achieve better result.

 MIDFIELD
Arsenal need a defensive midfielder if them wan truly challenge for more than the title this coming season. We say this because Arteta go tire if Arsenal play more than one game a week towards the tail end of the season. The only way wey Arsenal go win the EPL na to comot from other competition early. Or to use their academy players in those competition. But their current midfielders bam enough to win the epl title

DEFENSE
6-0 against Chelsea, 6-3 against Manchester City, 5-1 Liverpool. We all expect Arsenal to go for a better defender wey go play alongside their own ogbonge defender. Par Martesecker and Vamalain dey a little bit above average and this na why them dey concede unnecessary goals wey dey always cancel out the goals wey their strikers score. Arsenal go leak goals if them no get another defender and maybe another defensive midfielders.

GOALKEEPER
Arsenal don sort their goalie wahala with the signing of Ospina. So this area dey covered.

CONCLUSION
Arsenal go do better this season because them add more and better player than the ones wey them get last season. But them need to add a defensive midfielder and a defender if them want because serious title contender. 

JUST IN: Chambers don sign for Arsenal for the amount wey be undisclosed. Arsenal don dey arrange their defensive worries, E remain their defensive midfield wahala. Good job Wenger.

No comments:

Post a Comment