La-liga pack stars like say na only them waka come. Them get
the best player in the world, the second best in the world and them even add
Suarez and James on top the ogbonge players wey dem get before. But this no be
why we do this post. We want know who go best the other person for La-liga this
season. Enjoy
RONALDO VS MESSI
These two form dey constant. Them never drop. This na why
the best and second best player in the world go just dey rotate between these
two players. Their strengths cancel out. Nobody win for this one.
BALE VS NEYMAR
These two players arrange wella. Both players get pace well
well. Neymar get composure in front of goal pass Bale. But Bale get pace pass
am. This two players sabi work but Naymer take style sabi pass Bale. This na
why we go give Naymar and Barcelona this one.
SUAREZ VS JAMES
Suarez take head and shoulder pass James Rodriguez for this
one. If no be because of Suarez biting skills, him for they rub shoulder with
Ronaldo and Messi based on recent performance. Rodriguez na younger player wey
get all it takes to reach Suarez level. But Suarez better pass am for now.
BARCELONA MIDFIELD VS REAL MADRID MIDFIELD
Na Inesta, Rakitik, Mascherano and Busquet vs Kross, Khedera,
Modric and Isco go battle am for midfield. Barcelona arrange a little pass
Madrid for midfield wey go make first eleven. But Madrid arrange pass Barcelona
for depth. This na why I go say them cancel out for midfield.
DEFENSE
Real Madrid dey heads and shoulder above Barcelona for this
department. All Madrid defenders and their reserve better pass Barcelona own.
This na why Barcelona need better defenders. Even with Matheu wey them buy. Madrid
still better pass them.
GOALKEEPER
This na another area wey Madrid take better pass Barcelona. The
3 goalkeepers for Madrid better pass the first choice goalkeeper for Barcelona.
Including the new guy wey just waka come
COACH
Carlo Ancelotti better pass Jose Enrique of Barcelona. And
Ancelotti get more stability pass Enrique. So we go give this department to
Madrid.
CONCLUSSION
Both Clubs arrange wella. Barcelona attack arrange pass
Madrid own and Madrid defense better pass Barcelona own. Both of them go fit
win La-liga. But We go give La-liga to Madrid based on their current squad.
Everything fit change if Barcelona arrange their defensive department.

No comments:
Post a Comment