Post Top Ad

Wednesday, October 29, 2014

FACTS DON’T LIE! MOYES IS BETTER THAN VAN GAAL AFTER 9 GAMES!



David Moyes start him Manchester United carrier with the wrong words, the wrong body language and the wrong results in preseason. But Van Gaal start him Manchester United carrier with the right words, the right body language and the right pre-season results. But when jungle mature and after 9 games, United still remain the same United under Van Gaal and the results even show say Moyes try pass Van Gaal.


MOYES VS VAN GAAL AFTER 9 GAMES!

Manchester United under Moyes get 14 points after playing Liverpool, Chelsea and Manchester City, but Van Gaal get 13 points. Chelsea na the only top 4 team wey him don play. Moyes win him tenth and eleventh match. The world go dey watch weitin go happen when Van Gaal play City for him next game. Him need to win him next two games to stay one point behind 
Moyes after 11 games.

MONEY TALKS! MOYES  SPEND 28 MILLION POUNDS!! VAN GAAL SPEND 170 MILLION POUNDS

Na only 28 million pounds Fellaini waka come before Moyes sign Mata for January. But Van Gaal don spend 170 million and him still dey a point bellow Moyes even though him play only one top 4 team. Van Gaal go still spend wella in January

GOALS CONCEDED AFTER NINE GAMES

This 3 at the back style no dey work. Maybe na e make Van Gaal resort to the normal four at the back when him play Chelsea. Manchester United don concede 11 epl goals in 9 matches, while Moyes conceded only 4 in nine games. This show say Moyes get him defensive game right and Van Gaal get him own very wrong. We know say United score more goals under Van Gaal, but e dey normal after him spend over 140 million on attacking players alone.

EGO AND ARROGANCE

While we agree say Moyes timidity and humility no dey good for ogbonge club like Manchester United, we feel say Van Gaal arrogance dey even toxic. Branding person papa (Van Persie) stupid in front of the whole world no good at all. Him for advice Van Persie in private. The “Manchester United must learn to do it my way”talk show say him no respect a club wey get big history like Manchester United. Even an egotistical Mourinho no dey insult Chelsea football Club like that.

Van Gaal na good coach wey don achieve plenty plenty things. But we feel say him dey underperform for Manchester United, We also feel say many peps no dey see the underperformance because of him past results. We also feel say United get all it takes to make top 4 (at least) and even challenge for the title if Van Gaal go change some of the tactics and respect the opposition. This na EPL. No be Bundisliga wey Bayern dey run things or La-Liga wey Barcelona dey fight only Madrid. This na EPL wey clubs like Hull City fit hold you for your own home if you no respect yourself. We also feel say people dey hash on Moyes pass as them take treat Van Gaal even though Van Gaal results no bam well well. Una well-done oo.

No comments:

Post a Comment