After ten years as the undisputed number one for Stamford
Bridge, Peter Cech position dey under threat by another good goalkeeper wey dey
ten his junior. This goalkeeper name na Courtois and him get better stats that
Cech. This stats na; number of saves, number of clean sheets, number of crosses
claimed per game and less number of goals conceded per game. Make we take a
look at the things wey Mourinho go consider as him choose him number one
goalkeeper.
EXPERIENCE
Cech beat Courtois for experience and Mourinho go dey ask
him self how Courtois go take handle himself in high profile games in the EPL. We
know say La-liga and EPL dey equal, but all of us know say winning La-liga with
a team wey be underdogs and winning the EPL with a team wey everybody expect to
win no be the same thing. Another twist na say Courtois handle himself wella
for Champions league. Including the final wey him collect plenty goals from
Madrid.
LEAGUE KNOWLEDGE AND
ADAPTATION
Every League get their own unique and peculiar thing. This
na another aspect wey Cech take arrange pass Courtois. Mourinho go also dey ask
him self weiting go happen if Courtois no adapt quick quick to the EPL.
AGE
Courtois dey ten years younger than Cech and Chelsea no go
complain if Courtois maintain the same form wey him keep for two previous
seasons because him still better pass Cech even though him dey more than ten
years younger. This na the major factor wey go decide who Mourinho go keep and
who him go axe.
STATS
Abeg make una look the profile picture of this post to see
the stats between Cech and Courtois. The stats show say Courtois dey slightly
better than Cech even though Chelsea defense better pass Atletico Madrid own.
No forget say no be the data for EPL vs La-Liga we take do the comparism, we also
take data from the Champions league wey both of them play.
CHELSEA AND MOURINHO HEADACHE
Both players get two years remaining for their contract. And
Chelsea no go wan risk any one to go on a free after Cech and Courtois talk say
them no fit stay for bench. Another problem na this, what if Chelsea sell Cech and
Courtois come depreciate? What if them choose Cech only for Cech knee injury to
worsen and Courois come become the best goalkeeper in the world for the next 15
years? All these question go dey give Mourinho headache.
CONCLUSION
Burnley go play Chelsea in the next 5 hours and the question
wey dey for everybody mind na: WHO GO START BETWEEN CECH AND COURTOIS AND
WEITING GO HAPPEN TO THE GOAL KEEPER WEY NO START?

No comments:
Post a Comment