Post Top Ad

Friday, August 15, 2014

THE WINNERS AND LOSERS OF THE TRANSFER WINDOW



This transfer window don dey waka pass and many clubs dey claim say them don buy their market  finish. This na why we dey analyze the clubs wey buy good market, and the ones wey buy bad market. We do this analyses with respect to the players wey the clubs buy and the ones wey them sell. We no consider the clubs wey still dey for market. Na only the clubs where their coach say them no dey buy any player again na him we consider. Make una enjoy.


LA-LIGA WINNERS

REAL MADRID na the winners in La-liga. Them first sort out their goalkeeper wahala by selling Lopez to AC Milan after them bring Karlor Navas to provide competition to Casilas. Them buy Toni Kroos cheap and the best young player for him position from Monaco wey be James Rodriguez.

LOSERS

BARCELONA go try adapt to new coach, new style, new formation and new players. Luis Enrique wan use 3 defenders with two strong defensive midfielders. Him buy injured Thomas Vermalelen and 31 year old Jeremy Mathieu. Suarez self go miss plenty games wey fit bit Barcelona. Even though Rakitick sabi play ball, but players outside Barcelona dey always find am difficult to adapt. Him sell Sanchez and Fabregas. The goalkeeper wey them buy (Cladio Bravo) dey make plenty mistakes. This na why everybody dey ask why Barcelona no go for 
goalkeepers like Cech and maybe Lopez.

EPL

WINNERS

CHELSEA na the major winners for EPL. Them add three players for the position wey them need reinforcements and improvement. These three players go waka come their first eleven like say na only them waka come. Fabregas, Costa and Luis don turn Chelsea from the little horse wey dey learn how to jump to the big horse wey fit carry Mourinho go war.

LOSERS

LIVERPOOL replace their highest goal scorer with Origi, Lambert and many other players from Southampton. We still never understand how Rogers think say players wey help Southampton finish 7th go fit help win the EPL. We also expect an overhauling of the defense with only skrtel 
remaining. But na only one defender waka come for this transfer window

SERIA A

WINNERS

LAZIO  do better business among the Seria A clubs. Them make sure say them no change coach or sell players like Miroslav Klose, Antonio Candreva and the wonder kid wey him name na Balde Diao. Them also add players like Marco Parolo, Dusan Basta, prolific striker wey him name na Filip Djordjevic  and Vrij wey do very well for Netherlands in the world cup.

LOSERS

JUVENTUS loss their coach, Antonio Conte. Them also fail to snap up Alexis Sanchez from Barcelona when the opportunity present itsself. Juventus be the major losers even if Vidal remain for the club

No comments:

Post a Comment