Champions
League go shelle today and many players and managers don dey talk tough
already. This na why 080football dey analyze the prospect of the clubs wey fit
win am. Barcelona, Chelsea, Bayern Munich and Real Madrid be the clubs wey go
drag the trophy.
BARCELONA
FC
Barcelona
dey slightly better than all the clubs wey we mention because of their firepower.
With the ogbonge midfielders wey dey
behind Messi, Suarez and Neymar, Barcelona go destroy any defense wey dey for
this world. But their major problem na defense and maybe goalkeeper. This na
their weakest link and a Humels buy (if FIFA lift their ban) in January go give
their defense enough swag and ginger to win the Champions league.
CHELSEA FC
Chelsea na
the most complete club of them all. Them get the best defense even though them
don leak six goals in four matches this season. Their new signings; Costa and
Fabregas combined with other players like Oscar and Hazard dey too much for the
defense of many clubs. The thing wey make Chelsea thick na their work ethick, harmony
and the homogeneous nature of their squad. Everybody dey defend and attack.
Even Costa, Hazard and Fabregas dey defend and Ivanovic, Terry and Cahil dey score
goals too. This club, with a typical Mourinho signature no be pushovers, them
just need to dey hungry enough and no allow complacency wey affect them for
first half against Swansea affect them this time around.
BAYERN MUNICH
Bayern
Munich na another club wey dey complete like Chelsea. Pep try to bring a
natural goal scorer and a veteran midfielder: Lewandoski and Xabi Alonso don
make Bayern arrange pass the Bayern wey Real Madrid arrange for semi finals for
last Champions league. This club fit win am wella.
REAL MADRID
Real Madrid
na another ogbonge club. And this analyses dey based on their current form wey
no too good. But again na because James and Kroos never bed wella for La-Liga.
Di Maria and Alonso sales, make them dey weaker than the Madrid wey win am last
season. But a Ronaldo and Bale fit destroy any team wey no respect itself
Other clubs
like PSG, Atletico, Arsenal, Manchester City and Dortmund fit try their best. But
e dey easier for camel to pass through the eye of a needle than for them to win
the clubs wey we mention above. But make we no forget say Atletico don do am
against Barca and Dortmund don do am against Real Madrid before. So no be today
camel don dey pass through the eye of a needle.

No comments:
Post a Comment